Онлайн-аукциондун порталындагы жеке кабинетте каттоодон өтүү

• www.e.srs.kg электрондук кызмат көрсөтүүлөр порталынан «Онлайн-аукцион» бөлүмүн тандап алыңыз же www.nomer.srs.kg дареги боюнча кириңиз.
• Жеке кабинетте каттоодон өтүү үчүн «Каттоо» баскычын басыңыз.
• «Телефон номери» талаасын тандаңыз жана Сиздин мобилдик телефонуңуздун номерин (XXX)-XXX-XXX форматында көрсөтүңүз.
• «Паспорттун номери» талаасын тандаңыз жана Кыргыз Республикасынын жаранынын паспортунун (ID картынын) сериясын жана номерин ANXXXXXXX форматында көрсөтүңүз. Ошондой эле Сиздин ПИНиңизди (персоналдык идентификациялык номериңизди) көрсөтүңүз. Сиз тараптан мурда көрсөтүлгөн телефондун номерине Сиз онлайн-аукционго андан ары кирүү үчүн сыр сөзү бар SMS-билдирүүнү аласыз.

Онлайн-аукционго кирүү

• Интернет браузеринде nomer.srs.kg дарегин ачыңыз
• «Телефон номери» талаасын тандаңыз жана Сиз каттоо учурунда көрсөткөн Сиздин мобилдик телефондун номерин (XXX)-XXX-XXX форматында киргизиңиз.
• «Сыр сөз» талаасын тандаңыз жана онлайн-аукционго кирүү үчүн мурда берилген SMS-билдирүүдөгү сыр сөздү киргизиңиз.

Жеке кабинет

«Аукциондор» бөлүмү утурумдук макамы боюнча бардык аукциондордун тизмесин камтып турат:
процессте / пландаштырылгандар / аякталгандар / алынып салынгандар

«Менин аукциондорум» бөлүмү Сиз аларда катышуучу катары катталган аукциондордун тизмесин, төмөнкү маалыматтарды кенен көрсөтүү менен камтып турат:

• аукциондун лоту (аймагы, номери, сериясы);
• аукциондун макамы;
• онлайн-аукциондун башталган күнү жана убактысы;
• онлайн-аукциондун старттык баасы;
• катталган катышуучулардын саны;
• кепилденген акыны төлөө үчүн коду;
• кепилденген акы төлөөнү тастыктоо макамы.

Онлайн-аукциондорго катышуу

• Онлайн-аукционго кириңиз.
• Аукциондор» бөлүмүнөн пландаштырылган онлайн-аукциондор тизмесинен онлайн-аукционду тандап алыңыз.
• Тандалган аукционду «Катышуу» баскычын басуу менен тастыктаңыз.
• Сиз тараптан тастыкталган аукцион «Менин аукциондорум» бөлүмүндө жеткиликтүү болуп калат. Бул бөлүмдөн «Акы төлөө коду» талаасында көрсөтүлгөн, Сиз кепилденген акы төлөөнү киргизүү үчүн колдонушуңуз керек болгон маанини табыңыз.
• Онлайн-аукциондун баштапкы баасынын 10%ы өлчөмүндө кепилдик төлөмүн которуңуз. Төлөм төмөнкү тиркемелер аркылуу жүргүзүлөт: Элдик Банк, О Деньги, MegaPay, МБАНК, Бакай 24, Demir Bank, Кыргыз Почтасы, Оптима Банк. Кепилдик төлөмүн которгондон кийин, өзүңүздүн жеке кабинетиңиздеги “Төлөмдү текшерүү” баскычын басыңыз.
• Онлайн-аукцион өткөрүлө турган күнү Онлайн-аукционго кирүүдө сүрөттөлгөндөй аракеттердин удаалаштыгын аткарыңыз.
• В разделе «Менин аукциондорум» бөлүмүнөн катталган онлайн-аукциондордун тизмесинен жарыяланган онлайн-аукционду тандаңыз жана онлайн-аукциондун башталышын күтүңүз.
• Акча көтөрүүнү жасоо үчүн баштапкы номиналды тандап алыңыз да, тастыктоо үчүн «ООБА» баскычын басыңыз. Сиздин акча көтөрүүнү тастыктаганга чейин, Сиз андан айнып кала аласыз, акча көтөрүүнүн өлчөмүн азайта аласыз («-» баскычын басуу менен) же жогорулата аласыз («+» баскычын басуу менен).
• Сиздин акча көтөрүүңүз тастыкталгандан кийин артка саноо убактысы иштетилет, ал 5 мүнөткө барабар, бул убакыт аяктагандан кийин андан жогорураак акча көтөрүүнү эч ким сунуштай албай калат. Номер белгиси үчүн башка катышуучу тарабынан 5 (беш) мүнөттүн ичинде жогорулатылбаган эң жогорку акча ченин сунуштаган катышуучу, жарыяланган аукциондун жеңүүчүсү катары аныкталат.
• Эгерде Сиз аукциондун жеңүүчүсү болуп калсаңыз, Сизге 3 (үч) жумуш күнүнүн ичинде сертификаттын баасын (Жеңүүчү тарабынан сунушталган максималдуу акча чени 10% кепилденген төлөөнү чыгарып салуу менен) төлөө зарыл болот. Төлөөнү Элдик Банк, О Деньги, MegaPay, МБАНК, Бакай 24, Demir Bank, Кыргыз Почтасы, Оптима Банк тиркемелери аркылуу ишке ашырса болот.
• Сандардын жана/же тамгалардын өзгөчө айкалышы менен мамлекеттик каттоочу номердик белгилерге берилген сертификаттар «Тундук» мобилдик тиркемесинин “Санариптик документтер” бөлүмүндө көрүнөт». Сертификаттарга тиешелүү суроолор боюнча Кыргыз Республикасынын Министрлер Кабинетине караштуу Транспорт каражаттарын жана айдоочулук курамды каттоо боюнча мамлекеттик агенттиктин аймактык бөлүмдөрүнө төмөнкү даректер жана байланыштар боюнча кайрылсаңыздар болот:

  №	Агенттиктин аймактык бөлүмдөрүнүн аталышы	Байланыш номерлери	Дареги
  1	Бишкек шаардык бөлүмү	(0312) 63-23-63	Бишкек ш., Ч. Валиханов көч., 2 ( Аю Гранддын имараты)
  2	«Биримдик 24» бөлүмү	(0312) 88-86-14	«Биримдик-Кут» конушу, контур №24
  3	Аймактар аралык бөлүмү	(0312) 46-39-10	Кожомкул айылы, (Военно-Антоновка) "Риом-Авто" автобазары
  4	Аламүдүн бөлүм	(0312) 67-85-62	Бишкек ш., Элебесов көч., 206
  5	Жайыл-Панфилов бөлүмү	(0312) 22-15-42	Кара-Балта ш., Жайыл-Баатыр көч., 127
  6	Сокулук-Москва бөлүмү бөлүмү	(0312) 60-76-37	Шопоков ш., Машиностроительная көч., 1
  7	Таш-Дөбө бөлүмү	(0312) 42-06-22	Таш-Дөбө айылы, Больничная көч., 41
  8	Чүй-Кемин бөлүмү	(0312) 60-73-16 (0 3138) 5-18-74	Токмок ш., 1 мкр. 17а/3 үй
  9	Ысык-Ата бөлүмү	61-69-11	Кант ш., Советская көч., 8
  10	Балыкчы бөлүмү	(0 3944) 7-03-50	Балыкчы ш., Ж. Абдрахманов көч., 25
  11	Каракол бөлүмү	(0 3922) 4-17-09	Каракол ш., Карасаев көч., 1а
  12	Тоң сектору		Тоң айылы, Э.Узакбаев көч., 27
  13	Чолпон-Ата сектору		Чолпон-Ата ш., Советская көч., 38
  14	Нарын аймактык бөлүмү	(0 3522) 5-29 26	Нарын ш., Кулумбаев көч., 23
  15	Жумгал сектору	(0 3536) 2-31-06	Чаек айылы, Э. Матыев көч., 123
  16	Кочкор сектору	(0 3535) 5-04-53	Кочкор айылы, С. Орозбаков көч., 46
  17	Талас аймактык бөлүмү	(0 3422) 5-28-79	Талас ш., Э. Мадиев көч., 2
  18	Кара-Буура-Манас сектору	(0 3456) 2-67-04	Кызыл-Адыр айылы, Сатыбалдиев көч., 16
  19	Джалал-Абад аймактык бөлүмү	(0 3722) 5-09-19	Джалал-Абад ш., Шопоков көч., 32
  20	Ала-Бука сектору		Өрүктү айылы, А. Раджапов көч., 96
  21	Аксы бөлүмү	(0 3742) 5-03-30	Кербен ш., Осмонов көч., н/ж
  22	Базар-Коргон сектору		Базар-Коргон ш., Б. Осмонов көч.,166
  23	Кара-Көл сектору	(0 3746) 5-10-67	Кара-Көл ш., Ленин көч., 1а
  24	Ноокен сектору	(0 3734) 5-34-50	Кочкор-Ата ш., Фрунзе көч., 38а
  25	Таш-Көмүр бөлүмү		Таш-Көмүр ш., Кызыл-Алма кыштагы, Проектируемая 1 көч., н/ж
  26	Токтогул сектору	(0 3747) 5-00-91	Токтогул ш., Черноткач көч., 11
  27	Ош аймактык бөлүмү	(0 3222) 7 01 79	Ош ш., А. Навои көч., н/ж
  28	Алай сектору	(0 3234) 5-03-60	Күлчө айылы, Нарматов көч., 1
  29	Кара-Суу бөлүмү	(0 3232) 5-17-76	Кара-Суу ш., Бакиев көч., 157
  30	Ноокат сектору		Бел айылы, Заитов көч., 77
  31	Ош шаардык бөлүмү	(0 3222) 3-95-49	Ош ш., Касымбеков көч., 30
  32	«Ош-2» сектору		Ош ш., Көкүм-Бий, 150 (168) ( Жапалак автобазары)
  33	Өзгөн бөлүмү	0 3233) 5-01-62	Өзгөн ш., Шералы айылы, Т. Акматов көч., 7
  34	Баткен бөлүмү	(0 3622) 5-10-25	Баткен ш., C. Сыдыков көч., 52
  35	Кадамжай сектору		Кадамжай ш., Орозбеков көч. н/ж
  36	Кызыл-Кыя бөлүмү	(0 3657) 5-40-61	Кызыл-Кыя, Молодежная көч., 9
  37	Сүлүктү бөлүмү	(0 3653) 5-00-41	Сүлүктү ш., Раззаков көч., 115

• Эгерде аукциондун жеңүүчүсү номер белгиси үчүн белгиленген мөөнөттө төлөбөгөн болсо, кепилденген акы төлөө кайтарылбайт, жана жеңүүчү катары эң чоң бааны сунуштаган кийинки катышуучу таанылат
• Бул катышуучу 3 (үч) жумушчу күндүн ичинде 10% кепилдик төлөмдү алып салганда, электрондук аукциондун жүрүшүндө аныкталган номердик белгилер үчүн өзү сунуштаган бааны төлөөгө милдеттүү. Бул сумма көрсөтүлгөн мөөнөттө төлөнбөсө, электрондук аукцион өткөн жок деп табылат. Мындай учурда электрондук аукционду өткөрүүнүн жаңы күнү аныкталат жана №2 жеңүүчүгө кепилдик төлөмү кайтарылбайт.
• Онлайн-аукциондо жеңип чыга албаган катышуучуларга төлөнгөн кепилдеген акы төлөөлөрү онлайн-аукцион аяктагандан кийинки 10(он) жумушчу күнү ичинде кайтарылат.
• Эгерде каттоодон бир гана катышуучу өткөн болсо, онлайн-аукцион өткөрүлбөгөн катары таанылат. Бул учурда онлайн-аукционду өткөрүүнүн жаңы күнү аныкталат.
• Эгерде онлайн-аукциондун бардык катталган катышуучулары өз акча коюуларын онлайн-аукцион башталгандан кийин 30 мүнөт өткөн учурда сунуштаган эмес болушса, онлайн-аукцион өтпөгөн катары таанылат. Бул учурда онлайн-аукционду өткөрүүнүн жаңы күнү аныкталат.
• Онлайн-аукционго катышуу үчүн катышуучу Интернеттин үзгүлтүксүз иштөөсүн өз алдынча камсыздоого тийиш болот, катышуучу тарабынан пайда болгон жана аукциондун өчүп калышына алып келген бузуктуктар үчүн, сайттын Администрациясы жоопкерчилик тартпайт. Техникалык бузуктуктар болгон учурда, онлайн-аукцион кайтадан өткөрүлөт, бул тууралуу катышуучуларга алдын ала билдирилген болот.

Сандардын жана/же тамгалардын өзгөчө айкалышы менен мамлекеттик каттоочу номердик белгилерди аукцион өткөрбөстөн сатуу

• Ушул тизмектин 6-8-пункттарында көрсөтүлгөн сандардын жана/же тамгалардын өзгөчө айкалышындагы мамлекеттик каттоочу номердик белгилерди сатуу аукционсуз жүргүзүлөт.
• Аукционсуз сатылган номерди онлайн брондогон учурда жеке кабинет аркылуу, 11 орундуу төлөм кодун колдонуу менен 24 сааттын ичинде Сертификат үчүн төлөнүшү керек. Алдын ала даярдалган аукционсуз сатылган номерлерди брондогон учурда ал номердин жайгашкан жерин ыйгарым укуктуу органдын аймактык каттоо бөлүмдөрүнөн тактап алуу керек.
• Эгерде Тизмектин 1-5 пункттарында көрсөтүлгөн сандардын жана/же тамгалардын өзгөчө айкалышы менен мамлекеттик каттоочу номердик белгилери 3 айдын ичинде кайталанып өткөрүлгөн онлайн-аукциондордун жыйынтыктарын боюна сатылган эмес болсо, аларды сатуу баасын Тизмекте белгиленген старттык баасынан 20 пайызга арзандатуу менен онлайн-аукциондорду өткөрбөстөн жүргүзүлөт.
• Эгерде Тизмектин 6-8 пункттарында көрсөтүлгөн сандардын жана/же тамгалардын өзгөчө айкалышы менен мамлекеттик каттоочу номердик белгилери аларды сатыкка койгон күндөн тартып үч ай мөөнөтүндө Тизмекте белгиленген баа боюнча сатылган эмес болсо, алардын баасы 20 пайызга арзандатылат.

Сандардын жана/же тамгалардын өзгөчө айкалышы менен мамлекеттик каттоочу номердик белгилерди берүү

• Сандардын жана/же тамгалардын өзгөчө айкалышы менен мамлекеттик каттоочу номердик белгилерди берүү транспорт каражатын каттоодон кийин ишке ашырылат.
• Бишкек шаарынын жана ага жакын жайгашкан аймактардын тургундары үчүн сандардын жана/же тамгалардын өзгөчө айкалышы менен мамлекеттик каттоочу номердик белгилерди берүү Агенттиктин Борбордук аппаратында, Бишкек шаары, Ч. Валиханов көч., 2а дарегинде 30 мүнөттүн ичинде берилет.
• Башка аймактардын тургундары үчүн сандардын жана/же тамгалардын өзгөчө айкалышындагы мамлекеттик каттоочу номердик белгилерди берүү транспорт каражаты катталган аймактык бөлүмдө 1 күндөн 3 күнгө чейин жүргүзүлөт.
• Сандардын жана/же тамгалардын өзгөчө айкалышы менен алдын ала даярдалган мамлекеттик каттоочу номердик белгилерди берүү транспорт каражаты жайгашкан жер боюнча жана техпаспорттун негизинде ишке ашырылат. Эгерде Сертификаттын ээси мамлекеттик номер жайгашкан бөлүмдөн мамлекеттик номердин жеткирилишин күтүүнү каалабаса, мамлекеттик номердин наркын кошумча төлөп, аны кайра чыгарта алат.
• Cандардын жана/же тамгалардын өзгөчө айкалышындагы мамлекеттик каттоочу номердик белгилерге сертификаты бар транспорт каражаттары үчүн мамлекеттик номер тапшырылгандан кийин ыйгарым укуктуу органда 1 жыл бою сакталат.